Козьмодемьянскысе озадыме пий-влаклан «Полкан» приютышто у вольер-влакым почыныт

Козьмодемьянскыште ынде 7 ий наре «Полкан» приют пашам ышта. Тудым чолга ӱдырамаш, ветеринар врач Ольга Казанцеван тыршымыж дене почмо. Тиде специалистын суртдымо янлык-влак верч чонжо коржеш. Эн ончыч изи кумдык гына лийын, а 2 ий ончыч пеленысе мландым, налыныт, да у вольер-влакым ыштеныт. Тачысе кечын «Полкан» приютышто озадыме янлык-влак кузе илат, могай вашталтыш-влак улмым, мемнан съёмочный группына ужын.