Курыкмарий драме театр Грозный олаште эртыше «Федерация» лӱман калыкле театр-влакын фестивальышкышт ушнен

Курыкмарий драме театр черетан 31-ше тургымым почмо деч вара, Чечня Республикысе фестивальыш ушнен. Грозный олаште «Федерация» лӱман Россий кӱкшытан калыкле театр-влакын 6-шо фестивальышт эртен. 13 театр коклаште мемнан Курыкмарий драме театрат лийын. Коллектив Валентин Распутинын «Цеверӹн, Ӓвӓсир» («Прощание с матёрой») повестьше почеш шындыме тыгаяк лӱман спектакльым ончыктен. 6-шо фестиваль тиде спектакль дене петыралтын. Тиде спектакльыште кугу рольым ошма модеш. Но артист-влак тудым пеленышт огыт нумал. Тудым верыштак йодыт. Пеленышт пушым гына кондыштарат.