6 октябрь марий литературын классикше Сергей Чавайнын шочмо кечыже
6 октябрь марий калыкын историешыже шӧртньӧ буква дене возалтын. Лач тиде кечын марий литературын классикше Сергей Чавайн шочын. Тений тудын шочмыжлан – 137 ий. Сергей Чавайн лӱмеш калыкле книгагудышто кажне ийын тудын бюстшо пелен пеледышым пыштат, родо тукымжо дене вашлиймашым эртарат. Теният тыгак. Эше палемдыман, тений калыкле книгагудо толшо уна-влаклан писательын илыш корныжым каласкалыше «Чавайн: линия жизни» фотопроект презентацийым ямдылен.
