Марий Элыште «От чистого истока» премийлан конкурс кая

Калык усталыклан посна премий. Марий Элыште «От чистого истока» премийлан конкурс кая.  Тудым 2019 ий гыч кучыктат. Усталык таҥасымаште шке вийым тӱвыра учреждений пелен пашам ыштыше усталык коллектив, студий, мастерской, мода театр, шке семын пашам ыштыше мастар еҥ, сӱретче-модельер, кыдалаш да кӱшыл тунемме тӧнеж-влакын студент ден туныктышышт, искусствовед, тоштер-влакын шанче пашаеҥышт терген кертыт. Премийын кугытшо 50 тӱжем теҥге. Ушештараш гын, эртыше ийын ты премийын лауреатше лӱмым Российысе калык усталыкын сулло коллективше, Карлыган тӱвыра пӧрт пеленсе «Зардон» удмурт калык фольклор ансамбль сеҥен.