Кужэҥер районысо Шӱдымарий школышто тений капремонтым ыштеныт

Сайын тунемаш чыла йӧн уло. Кужэҥер районыш миен коштмыж годым регион вуйлатыше Шой-Шӱдымарий школышто капремонтым аклен. Федерал программе почеш школым уэмдаш 58 миллион теҥге наре ойырымо. У тунемме ий вашеш тудым олмыктен шуктымо: окнам, омсам вашталтыме, леведышым, тыгак олтымо, вӱдым пуышо, канализаций, электроснабжений системым шотыш кондымо. Вентиляцийым тӧрлымӧ, пожарым йӧртышӧ системын монтажшым ыштыме. Кӱварыш керамогранит плиткым пыштыме, линолеумым шарыме. Школ кӧргӧ йӧршын уэмдалтын. Тылеч посна тунемме тӧнежлан 8 миллионат 600 тӱжем теҥгелан кабинетлаш оборудованийым налме.