Этнограф Надежда Васканован «Йочалан-марла» проектше Росмолодёжын конкурсыштыжо сеҥен

Марий Эл Республикысе Т. Евсеев лӱмеш калыкле тоштерын пашаеҥже, этнограф Надежда Васканован «Программа всестороннего развития ребёнка «Марийский – детям» («Йочалан-марла») проектше Росмолодёжын конкурсыштыжо сеҥен. Материалым ямдылыме паша тений шошым, кеҥежым, шыже тӱҥалтыштат каен. Эн ончыч фольклор, этнографий материал-влакым районла еда коштын погеныт. Вара сӱретлыме, мут-влакын йоҥгалтмыштым возымо, печатлыме, сем дене келыштарыме да моло пашашке пижыныт. Ноябрь тӱҥалтыште 32 тӱжем наре карточкым теме-влак дене шеледеныт. Вара дидактике материал-влак почеш 400 комплектым печатлен луктыныт.