Озаҥ олаште Республик кӱкшытан «Марий шонанпыл» йоча этнокультур фестиваль да самырык-влакын форумышт эртен

Озаҥ оласе калык-влакын келшымаш пӧртыштышт республик кӱкшытан «Марий шонанпыл» йоча этнокультур фестиваль да самырык-влакын форумышт эртен. Фестиваль-конкурс «Храни традиции» проект кышкарыште лийын. Тудо Менделеевск, Кукмор, Мамадыш, Балтач, Актаныш, Агрыз, Мензелинск, Арск районла, Озаҥ да Набережные Челны олала гыч 140 наре участникым чумырен. Любительский да профессионал коллектив, солист-влак «вокал», «инструментал», «хореографий», «художественное слово» номинацийыште шке усталыкыштым тергеныт.