2026-шо ий гыч «Пушкин карт» программын операторжо вашталтеш

Тӱвыра тӧнежыш – «Пушкин карт» полшымо дене. 2021 ий гыч элыштына «Пушкин карт» программе пашам ышта. Тений гыч тудо "Еш" нацпроектыш пура. Картын полшымыж дене 14 гыч 22 ияш марте самырык еҥ-влаклан театрыш, тоштерыш але филармонийыш йӧршеш яра миен толаш йӧн пуалтеш. 2026 ий гыч программын операторжо вашталтеш, тидлан идалык мучаш марте картым уэш лукташлан заявленийым пуэн шуктыман. Темым умбакыже Дмитрий Веденькин шуя.