Православий рӱдерыште «Рошто шӱдыр» фестиваль эртен

У ий каникулышто Йошкар-Оласе Православий рӱдерыште йоча усталык коллектив-влакын «Рошто шӱдыр» поро йӱлашке савырныше фестивальышт эртен. Тудым ий гыч ийыш Йошкар-Оласе епархийын самырык-влакын пашашт шотышто пӧлкаже Республикысе руш тӱвыра рӱдер дене пырля ямдыла. Музык фестивальын участникше-влак Йошкар-Оласе да Волжск епархийласе приход-влакын рушарня школлаж гыч, тыгак тӱшка да ешартыш шинчымашым пуышо тӧнеж-влак гыч лийыныт. Сцене гыч пайрем муро, куштымаш-влак йоҥгеныт. Йоча-влак тӱрлӧ семӱзгар дене шоктен моштымышт дене толшо-влакым куандареныт. Оршанке районысо Кугунур школын «Шонанпыл» йоча образцовый ансамбльже «Рошто шӱдыр» фестивальыште кокымшо ий участвоватла.