Марий паркыште марий йӱла почеш «Шорыкйол» пайремым эртареныт

Марий йӱлам кучышо-влак «Шорыкйол» пайремым кумдан палемденыт.  Ожно годсек тудо ик эн вучымо, жаплыме пайрем лийын. Йӱлам аралыме пайремым кумдан 7 январьыште пайремленыт. Поро йӱла почеш, Республикысе марий тӱвыра рӱдер кажне ийын ты пайремым пагалыме да калыкым палдарыме амал дене «Шорыкйолым» эртара. Тений тудо Марий Паркыште лийын. Программыште «Шорыкйол» пайрем йӱлам шуктымо гыч ужашым ончыктеныт, толшо уна-влаклан модышым эртареныт, усталык коллектив-влак концертым пуэныт. Мӧчӧр-влак Марий паркыште таҥ ошкылыныт. Ме палена, кугезе коча-кована-влак Шорыкйол годым мужедыныт. Пайремыштат самырык ӱдыр-рвезе, толшо уна-влак мужедын кертыныт.