«Марий теле» фестиваль кышкарыште Калык арвер сымыктыш тоштер-пӧртыштӧ «Теле йомак» мастарлык-класс эртен
Йомакысе гай теле. «Марий теле» фестиваль кышкарыште Йошкар-Оласе Калык арвер сымыктыш тоштер-пӧртыштӧ «Теле йомак» мастарлык-класс эртен. Кумылан-влак пу пӱчкышыштӧ теле узорым, йомакысе персонаж-влакым сӱретленыт. Кумылан-влак мастарлык-классыш еш дене толыныт. Йоча-влак шке кид дене йомак песронаж-влакым сӱретленыт, авашт пеленышт полшеныт. Туныктышо-влак пушеҥгыште сӱретлыме ойыртемым умылтареныт, художественный прием нерген каласкаленыт. Сӱретлен моштымаш тыште ончыл верыште огыл, тӱҥжӧ – процесс куаным кондыжо.
