Бауман лицей пеленысе медиаклассын тунемшыже-влак теорий гыч практикыш кусненыт

Журналист семын пашам ыштат, сюжетым ямдылат да интервьюм возат. Таче тиде йӧн дене Бауман лицей пеленысе медиаклассын тунемшыже-влак пайдаланат. Кызыт нуно теорий гыч практикыш куснат. Идалыкат пеле жапыште ончыкылык журналист-влакын ятыр сюжетышт калык ончыко лектын, а кызыт нуно шке ток-шоуштым возат, кундемнан лӱмлӧ еҥже-влакым интервьюш ӱжыт. Ӱдыр-рвезе-влак шкеак концепцийым шонат, сценарийым возат. Тӱҥжӧ – шке материалышт могай лийшашым, шинча ончылнышт раш ужыт.