25 мартыште Российыште тӱвыра пашаеҥ-влакын кечышт палемдалтеш

«Эсен лийже, куштылгын койшо усталык! Эсен лийже, шӱм гыч пунчалме пӱжвӱд!» 25 мартыште Российыште тӱвыра пашаеҥ-влакын кечышт палемдалтеш. Тиде сымыктыш деятель, тоштер, книгагудо, театр пашаеҥ да моло тӱвыра тӧнежыште тыршыше-влакын профессионал пайремышт. Лач нуно калыкнан историйжым, йӱлажым, тӱвыра поянлыкшым арален шогат. Тӱвыра пашаеҥ-влак кокла гыч поснак Морко кундем гыч Дина Павловам палемдаш лиеш. Ты аланыште 2001-ше ий годсек пашам ышта. А чылажат тӱвыра да сымыктыш колледж гыч тӱҥалын. Тений лӱмгечым палемда, тӱвыра аланыште пашам ыштымыжлан – 25 ий темеш.