Советский районышто театр коллектив-влакын 2-шо фестиваль-конкурсышт эртен

Рампын тулжо. Советский районышто театральный коллектив-влакын 2-шо фестиваль-конкурсышт эртаралтын. Тудо участник-влакым Виктор Бурлаков лӱмеш Кужмарий тӱвыра пӧртышто чумырен.   Конкурсыш 7 театр коллектив ушнен. Кугыеҥ дене пырля йоча-влакат модыныт. «Огни Рампы» театральный фестивальлан тӱҥалтыш эше 2019 ийыштак ышталтын. Театр сымыктышым вияҥдыме, ялысе тӱвыра полатыште театр ушем-влакын мастарлыкыштым нӧлтымӧ, коллектив кокласе кылым пеҥгыдемдыме да опытым вашталтыме амал дене фестивальым кок ийлан ик гана эртараш палемденыт.