Марий Элыште илыше-влакым «Формирование комфортной городской среды» программе почеш йӱклымашке ушнаш ӱжыт

Марий Элыште илыше-влакым «Формирование комфортной городской среды» программе кышкарыште эртаралтше йӱклымашке ушнаш ӱжыт. Палемдем, ты программе «Инфраструктура для жизни» нацпроектыш пура. Федерал программын тӱҥ шонымашыже – олалаште да посёлкылаште калыкын илыме вержым саемдаш, мер кумдык-влакым, а тиде парк, сквер, набережный, кудывече, икманаш каныме вер-шамычым тӱзаташ. Могай кумдыкым тений уэмдат? Тидым ий еда республикыште илыше-влак шкешт рашемдат, объект-влак верч йӱкыштым пуат.