Козьмодемьянск оласе А. Григорьев лӱмеш тоштерыште «Море эпохи динозавров» лӱман ончер пашам ышта

Козьмодемьянск оласе Александр Григорьев лӱмеш художественно-исторический тоштерыште «Море эпохи динозавров» лӱман ончер пашам ышта. Тудын экспонатше-влак почеш Курыкмарий районын да Козьмодемьянск олан историйыштышт пален налаш лиеш. Кызытсе район да ола верыште икмыняр миллион ий ончыч теҥыз лийын, ойла ончерын кураторжо Алексей МалевАнный. Ончерыште Юрский пагытысе теҥызыште илыше-влакын мумо ужашлаштым ончыктымо. Вӱдыштӧ илыше шуко клеткан тупрӱдыдымӧ-влакым, аммонит ден белемнит-влакым, акрет жапысе кальмарын кышажым, изирак акулын пӱйжым да вес ужаш-влакымат муныт.