17-ше июльышто Унчо селаште регион-влак кокласе сӱан йӱла фестиваль-конкурс лиеш

17-ше июльышто Унчо селаште регион-влак кокласе сӱан йӱла фестиваль-конкурс лиеш. Тудын лӱмжак тидын нерген ойла: «Сӱан пайрем». Тений тудым кандашымше гана эртарат. Пайремыш  элнан регионжо-влак гыч эн сай фольклор коллектив-влак, аутентичный манме семӱзгар дене шоктышо да кидмастар-влак толшаш улыт. Фестиваль-конкурсышто икмыняр номинаций лиеш: сценыште сӱан йӱлам ончыктымаш, эн сай фольклор коллектив, сӱан сурт  да семӱзгар усталык. Конкурс программе дечын посна, ончер ден ярмиҥга, тӱрлӧ мастерлык класс, спорт кумдык-влак пашам ышташ тӱҥалыт.