Тӱвыра черым паремдаш полша. Марий Элын тӱвыра ден тазалыкаралтыш министерствыже-влак шке коклаштышт ойпидышым ыштеныт.  Ынде ятыр проектым илышышке пырля шыҥдараш тӱҥалыт. Кок ий ончыч Марий Эл Республикысе тоштер-влакын ассоциацийже да Евсеев лӱмеш калыкле тоштер «Трогательный мир марийской культуры» лӱман ончерым почын. Тудым умбакыже республикынан тӱрлӧ районласе тоштерлаште ончыктеныт.