Т. Евсеев лӱмеш калыкле тоштерын пашаеҥже-влак 3 гыч 5 август марте этнографический экспедицийыште лийыныт. Тудо республикынан Медведево районысо икмыняр марий ялыште эртен. Этнограф-влак Поланур, Шихмамат, Пелыждӱр, Пӱкшерме яллаште, Цибикнур селаште илыше-влак  дене вашлийыныт. Шӱдӧ ий ончыч марий этнограф, тоштерлан негызым пыштыше Тимофей Евсеев нине яллаште пашам шуктен. Тудын шымлыме темыже-влак илышыште кузе вашталт толыныт, кызытсе этнограф-влак нине йодышланат вашмутым кычалыныт.