В Марий Эл более 50 ветеранов СВО получили поддержку в открытии бизнеса
«Йошка Еш» фестивальыште 340 тӱрлӧ калык кочкышым темленыт
«Йошка Еш» фестиваль Марий Элыш 13 регион гыч 200 утла поварым чумырен. Кочкыш пайрем каныш кечылаште Руэмысе ипподромышто эртен. 15 команде 340 тӱрлӧ калык кочкышым темлен. Кочкыш йӱлаштым Алтай да Камчатке, Бурятий, Коми, Одо кундем, тыгак Мурманский, Ростовский, Архангельский, Костромской да Челябинский область гыч участник-влак ончыктеныт. Фестивальым регион вуйлатыше аклен. Тудо сийым тамлен, ресторатор-влак дене мутым вашталтен.
«Российысе калык-влакын икоян улмо идалыкыште тиде пайрем поснак кӱлешан. Тиде фестиваль – калык-влак келшымаш пайрем», - палемден Юрий Зайцев.
Фестивальыш толшо кажне еҥ Российыште илыше калык-влакын сийыштым тамлен кертын.
