Республикысе педагог-влакын августысо конференцийышт 600 наре еҥым ушен

Йошкар-Олаште педагог-влакын августысо конференцийышт 600 наре еҥым ушен. Конференцийым почмо деч ончыч, Марий Эл Республик Вуйлатыше Юрий Зайцев Г.Константинов лӱмеш руш драме театрын фойештыже верланыше иммерсивный манме ончерым аклен. «Азбука СВО» лӱман стенд йоча-влакым патриотизм шӱлышыштӧ вияҥдыме дене палдарен. Мемнан республикысе педагог ден тунемше-влак СВО-шко 20 тӱжем наре серышым возеныт, 12 тӱжем окоп сортам ыштеныт, тӱжем утла нашлемникым да 900 наре маскировочный сетьым пидыныт.