Август-сентябрь пагытыште шордо-влакын коштмо пагытышт тӱҥалеш, нуно кугорныш кудал лектыт

Тӱткӧ лийза: корнышто шордо-влак! Август-сентябрьыште шордо-влакын коштмо пагытышт тӱҥалеш. Нуным емыжым, поҥгым погаш кайыме годым чодыраште ужаш лиеш. Янлыкым вашлийме годым, специалист-влак туп дене савырнаш огыл, шкем ласкан кучаш темлат. Мо дене тиде лӱдыкшӧ? Умылтарымашым «Кугу Какшан» заповедникын кугурак шанче пашаеҥже Геннадий Богданов пуа.