Ялозанлык министерствыште конкурсышто сеҥыше самырык специалист-влак дене вашлийыныт

Нуно вольык озанлыкыште, кушкылым ончен куштымаште пашам ышташ, тыгак колым кучымаш отрасльыштат тыршаш ямде улыт. Тиде ой самырык аграрий-влак нерген. Марий Эл Республикын ялозанлык минстерствыште тыгай специалист-влаклан поснак кугу тӱткышым ойырат. Нунылан тӱрлӧ полышым пуат, пашаштым ончык виктараш полшат. Эртыше кечылаште Россий кӱкшытан агроконкурсышто сеҥыше радамыш логалше Марий Элын командыжын участникше-влак дене Ялозанлык министерствыште «йыргешке ӱстел» йыр вашлиймаш эртен.