Марий Элыште – Туризм арня. Ты событий «Туризм и гостеприимство» нацпроект почеш эрта. Тений 9 тылзе жапыште кундемышкына ик миллион наре турист толын каен. 250 тӱжем наре турпоездкым ыштыме. Тидыже план дечын 40 тӱжемлан шукырак. Вашлиймашыште туризм отрасльысе лектыш нерген гына огыл кутыреныт, тушто тыршыше-влаклан наградым кучыктеныт. Марий Элыште турист тургым эше шуйна. Туризм арняште презентаций, экскурсий, семинар ден тунеммаш-влак лийыт. «Уна-шамыч экскурсийлаште тӱрлӧ йодышым пуэдат, сандене мыланнат шукым палыман», - палемдат гид-влак.