20 ий жапыште СОБРын сотрудникше да ветеранже-влак шке коллегыштым, милицийын капитанже Дмитрий Логиновым шарналтен спорт таҥасымашым эртарат. Тиде гана ветеран-влак шке коклаштышт пейнтбол дене таҥасеныт. Команде-влак тирыш, мишеньыш лӱйкаленыт да мучашыжлан пейнтболым эртареныт. Тидын годым команда-влаклан шке еҥыштым йомдарыде тушманын базышкыже пурен, тистым руалтен кучаш кӱлын. Таҥасымаште Марий СОБРын ветеранже-влак ончыл верыш лектыныт, 2-шо вер дене пошкудо Татарстан республик гыч таҥасыше-влак палемдалтыныт. 3-шо вер Чуваший республикысе СОБРын ветеранже-влаклан логалын. Кубокым, чапкагазым, медальым да шергакан пӧлекым отставкыште улшо полиций полковникын ветеранже, тыгак Дмитрий Логиновын ачаж ден аваже кучыктеныт. Мероприятий мучашлалтме деч ончыч Дмитрий Логиновын ачаж ден аваже погынышо-влаклан поро мутым каласеныт. 
Комментариев: 0