Иван Ямбердовын ончерже 16 сентябрьыште Республикысе сӱретсымыктыш тоштерыште почылтеш. «Мӱкш Тӱня Мари» персональный выставке Российын сулло сӱретчыжылан 65 ияш лӱмгечыже вашеш эрта. Выставкышке Иван Михайловичын эн ойыртемалтше да палыме пашаже-влакым пуртат.  Мастар еҥын кажне радынаштыже шочмо кундемым жаплыме, марий йӱлам пагалыме да аклыме шижмаш уло. Иван Ямбердов республикыште веле огыл, Российыштат палыме сӱретче.

Шернур район гыч озанлык пашаеҥ Российысе чап лӱмым сулен. Владимир Путинын указше дене Валерий Токтаровлан «Россий федераций ялозанлыкын сулло пашаеҥже» чап лӱмым пуэныт. Указ дене келшышын, кӱкшӧ наградым тракторист-машинистлан ятыр ий ялозанлыкыште пашам ыштымылан пуэныт. Валерий Токтаров Шернур районышто «Лукоз» озанлыкыште пашам ышта. 

 «Синяя птица» гуманитарный гимназийын у корпусшым ыштымеке, Сомбатхей микрорайонышто школышто верым ешара. А.Евстифеев тидлан ойырымо верыште лийын. «Синяя птица» гимназийым 1986 ийыште ыштеныт. Тышке ятырын тунемаш толаш кумылын улыт, тиде школым пытарыше-влак чылан гаяк кӱшыл тунемме верышке пурат. Но школышто вер шагал, актовый да спортивный зал уке. 

Козьмодемьянск оласе аварийно-утарыше службын пашыжлан аэролодкым налыныт. Тудо утарыше-влаклан Юл да Вӱтла эҥерлаште лӱдыкшӧ вер-влакым патрулироватлаш полша. Тыгак ий шулымо годымат утарыше да водолаз-влакым аэролодко дене кӱлеш верышке намиен шукташ лиеш. Аэролодко ик шагатыште 100 меҥгым эртен кертеш, иканаште ик тонн дечынат утларак грузым налын сеҥа. Тиде 10 пассажир да ешартыш нелыт. Тӱҥжӧ тиде пуш дене вӱд денат, куп да ий денат каяш лиеш. Таче кечын Марий Элыште утарыше-влакын тыгай судно икте веле. Аэролодко дене пырля Коьмодемьянскысе утарыше-влаклан эше квадроциклым налыт. 

13 сентябрьыште Марий Элыште южо кундемыште сайлымаш лиеш. Тиде кечын мунициапал образованийлаште южо округышто представительный органлаште сайлымаш лиеш. Республикыште тиде кечын 19 участке пашам ышташ тӱҥалеш. 11 да 12 сентябрьыште участкыште ончылгоч йӱклымӧ кече. Йӱклымаш Йошкар-Оласе икмыняр участкыште, Волжскышто, Марий Турек, Медвеедво, Морко, У Торъял районлаште южо илемлаште эрта. Тора яллашке сайлымаш комиссийыште пашам ыштыше-влак шкешт лектыт. 

Пошкырт кундемыште марий йӱлам аралаш да тудын пашажым виктараш ушемым ыштеныт. Кодшо кечылаште тудо регистрацийым эртен. Ушемым Геннадий Павлович Пастиев вуйлата. Тыге Башкортостан республикын Краснокам районыныштыжо У Пура, Арлан  да Музек села, Янаул районысо Тумна, Комбыялыште «Марий кумалтыш» общине-влак улыт. рт.

Коронавирус инфекций шарлыме жапыште грипп дечынат аралалтман. Врач-влакын палемдымышт дене, тидлан ик эн сай йӧн – вакцинаций. Марий Элыште грипп дечын прививкым шындаш тӱҥалыныт. Тидым поликлиникыште ышташ лиеш, тылеч посна вес йӧным темлат. Кӧн эмлымверышке каен, черетыште шогаш кумылжо уке гын, уремыште поликлинкын автомашинаштыже прививкым шындаш лиеш. 

Республикыште образованийым вияҥдыме йодышым умбакыже шуен, Александр Евстифеев Юлтехын ректор пашам шуктышо Игорь Петухов дене вашлийын. Тӱҥ шотышто республикын школжо-влаклан «Точка роста» рӱдер-влакым почмо дене полышым ойырымо нерген ойленыт. Регионышто школ да кӱшыл тунемме вер-влакын кылышт пеҥгыдемшаш. 

Республикыште «Точка роста» рӱдер-влакым почыныт. Регион вуйлатыше А.Евстифеев иктыштыже –  Медведево поселкысо 2-шо школышто лийын. «Образований» национальный проект дене ыштыме рӱдер-влакым цифровой да гуманитарный профиль рӱдер семын эл мучко ыштат. Медведево школышто тиде рӱдерым почмеке, цифровой да компьютер технике, ноутбук, шахмат дене модаш вер ешаралтыныт. 

Ущерб от разъяренного поступка мужчины составил почти 200 тысяч рублей. По данному факту было расследовано уголовное дело.