15:33, 15-09-2020Вес ийын ава капитал кугемеш

Вес ийын ава капитал кугемеш. Икымше йочалан 483 тӱжемат 882 теҥге, кокымшылан 639 тӱжемат 432 теҥге лиеш. Тидын нерген ТАСС увер агентстве палдара. Таче кечын ава капиталын кугытшо 466 тӱжемат 617 тенге. Кызытсе жап дене таҥастараш гын, тудо 4% нарылан кугемеш. Шотлен лукмо почеш, вес ийын ава капиталым 1 миллион утла еш налын кертеш, тидлан российысе бюджетыште 400 утла млрд теҥгем палемдат.