14:30, 18-11-2020Пытартыш суткаште коронавирус дене черланыше-влак 52 еҥлан шукемыныт

Коронавирус черлан кӧра республикыште чылаже 80 еҥ ӱмыр лугыч лийын. Тиде 18 ноябрьысе данный. Инфекционный стационарлаште кызыт 1193 еҥ эмлалтеш, коронавирус  инфекций 376 еҥын пеҥгыдемдалтын. Пытартыш суткаште 125 еҥым стационарлашке пыштеныт, 112 еҥым эмлалтмеке, мӧҥгышт колтеныт. Республикыште пандемий тӱҥалме дечын вара черланыше-влакын чотышт 7 тӱжемышке лишемеш, да 6965 еҥышке шуэш, пытартыш суткаште черланыше-влак 52 еҥлан шукемыныт.