Марий Эл Виктерыште мобилизацийыш логалше граждан-влаклан кредит каникулым пуымо шотышто мутланеныт. Виктер вуйлатышын алмаштышыже Ольга Викторовна Фёдорова дене вашлиймашыш республикысе кредит организаций да банк-влакын еҥышт толыныт. У кӱштымаш почеш, кредит каникулым мобилизацийыш логалше граждан-влак, сарзе операцийыш шке кумылын кайыше – вес семынже «доброволец-влак», контрактник да росгвардеец-влак налын кертыт. Тыгай каникулым ипотекылан, потребительский кредитлан да кредит карте дене пайдаланымыланат налаш лиеш. Ешарен каласена, кредит каникулым ынде кредитым пуышо организацийыш толын-коштде, телефон дене йыҥгыртен налаш лиеш.
Комментариев: 0