Рӱдӧ олашке пурымаште «Кинде-шинчал» скульптур композицийым тӧрлат. Корным тӧрлымӧ паша кундемыштына лум шулен пытымеке вийым налын. Тений Водопроводный уремыште Шернур тракт марте корным ик эн ончыч ыштеныт, лишыл пагытыште Вараксин кÿварым тӧрлаш тӱҥалыт. Корным тӧрлымеке, олашке толшо-влакым кинде шинчал дене вашлийше ӱдырамашын монументальный композицийжымат уэмдаш кӱлын. Тачысе кечын подрядчик-влак тудын негызжым тӧрленыт, реставрацийым ыштеныт, кызыт чиялташ тӱҥалыныт.
Российыште калыкым тений октябрь тылзыште шотлат. Кодшо ийын эртышаш перепись тений 1 гыч 31 октябрь марте лиеш, а южо тора кундемлаште 20 декабрь марте шуйна. Тений кажне кумылан еҥ «Госуслуги» портал гоч онлайн йӧн дене возалтын кертеш. Ончычсо семынак переписчик-влак моҥгӧ толаш тӱҥалыт, тыгак переписной участке-влак лийыт. Калык шотлымым вес ийын апрельыште иктешлат.
Комментариев: 0