Йошкар-Олаште Изи Какшаныште вӱдын яндарлыкше лӱдыкшыдымӧ. Тидым специалист-влак пеҥгыдемдат. «Маргеомониторинг» предприятийын специалистше-влак вӱдым анализлан налыт, тудым химический да биологический элемент-влаклан тергат. Ий гыч ийышке республикыште эҥерлаште вӱдын качествыже саемеш. 2019 ийыште мемнан регион вӱдын яндарлыкше дене кылдалтше экологий рейтингыште – 33, 2020 ийыште 26 верыште лийын, а тений кум тылзе жапыште 23 верыште нӧлталалтын. Ик эн яндар вӱд республикыште Кугу Какшаныште, а теве Юлышто тидын шотышто ситыдымаш-влак улыт. Но «Яндар вӱд», «Юл эҥерым тазаҥдымаш» федерал программылашке ушнымо дене, лишыл ийлаште тиде эҥерак яндаррак лиеш.
Комментариев: 0