«Ший памаш» конкурс уэш талантан мурызо-влакым кычалеш. Тудо Марий Элыште фестиваль-конкурс семын регион-влак кокласе кӱкшытыштӧ эрта да финн-угор йылме-влак дене эстраде мурым йонгалтарыше-влакым уша. Фестивальыште шке мастарлыкышым кӧ ончыктен кертеш? Эн ончыч, тиде – 16 гыч 35 ияш марте да 36 гыч 55 ияш марте солист-вокалист-влак. Вокал ансамбль-влакым посна аклаш тӱҥалыт. Вес тӱшка – пытартыш кум ий жапыште у муро-влакым возышо композитор ден поэт-влак. Конкурс кум тапыр дене эрта. Июнь гыч сентябрь марте финн-угор регионлаште эн сайжым ойырат. Сеҥыше-влак кокымшо турышко логалыт. Финал 25 гыч 27 ноябрь марте Марий Элыште лиеш.
Комментариев: 0