Марий Эл – корным сайын чоҥышо да тӧрлышӧ 10 регион радамыште. 8 ноябрьысе данный дене келшышын, «Лудыкшыдымӧ да сай качестван автомашина корно» нацпроект дене пашам шуктымаште ме 6 верыште улына. Корным тӧрлымӧ да чоҥымо нерген регионысо вияҥмаш шотышто Правительстве комиссий Президиумын черетан заседанийыштыже мутланеныт. Тудын пашашкыже Александр Евстифеев ушнен. Совещанийым эртарыше Марат Хуснуллин - пашам сайын шуктышо регион-влаклан тауштен. Нацпроект дене келшышын, республикыште планым ончылгоч да тӱрыс шуктымо. Тений 129 километрлан шукырак корным ыштеныт. Вес ийлан корным тӧрлаш чыла контрактым пеҥгыдемдыме. Тений республикыште корным чоҥаш 4 миллиард утларак теҥге ойыралтын. Оксам регионысо корно сетьым шотышко кондаш, тыгак Киров-Строитель-влак уремым ушышо магистарльым ышташ ойырымо.
Комментариев: 0