20 гыч 24 июль марте Марий Эл республикын прокуратурыжо «шокшо линийым» эртара. Тиде гана коронавирус инфекций шарлыме жапыште кугыжаныш тӧнежлаште тыршыше пашаеҥ-влаклан пашадарым тӱлымӧ шотышто йодышым пуаш лиеш. Мутлан, кугыжаныш кӱкшытыштӧ тӱрлӧ вечыште тыршыше специалист-влаклан ешартыш оксам тӱлаш палемдыме ыле. Ко тиде ешартыш оксам налын огыл, але палемдыме семын огыл налын, тыгак кӧн пашадаржым амал деч посна иземденыт – прокуратурын шокшо линийже гоч палдарен кертеш. Телефон: 68-71-32. Йошкар-Олан кодшо: 8 (83-62). Тиде номер дене паша жапыште йыҥгыртен кертыда. Тыгак прокуратурышко шке йодмашдам кеч-могай жапыште тыгай номер дене коден кертыда: 45-09-57.
Комментариев: 0