Республикын районлаштыже да Йошкар-Олаштат корным тӧрлат. Юрий Зайцев олан мэрже Евгений Маслов дене пырля 9 микрорайонышто ыштыме корным аклен. Тений «Лӱдыкшыдымӧ да сай качестван автомашина корно» нацпроект дене Бауман уремым тӧрленыт, кызыт пашам Прохоров уремыште шуктат. 2023-2024 ийлаште Строитель-влак уремым ыштышаш улыт. Регион вуйлатышын пашажым жаплан шуктышо кудывече-влакым тӧрлаш ешартыш оксам ойыра. 9-ше микрорайоныштат тыгай кумдыкым тӧрлат, тудо 5 социал объект деке наҥгая. Тиде кумдыкышто 2 школ, кок йочасад, ньога пӧрт верланеныт. Тыгак 20-25 шуко пачеран пӧртыштӧ илыше-влак тиде корно дене коштыт.
Комментариев: 0