15:21, 12-09-2022Оршанка районышто у библиотекым ыштеныт

Майоров-Шкетан лӱмеш рӱдӧ книгагудым «Культура» нацпроект дене келшышын модельный библиотеке семын ыштеныт. Учрежденийым тӧрлаш федерал да муниципал бюджетла гыч 12 миллион теҥге ойыралтын. Тыште шке семын да тӱшка дене занятийым эртараш верым келыштарат. Тидын дене пырля библиотекылан мебель, компьютер да у книга-влакым налыныт.  Лудшо-влак 24 тӱжем утла савыктышым лудын да нунын дене пашам ыштен кертыт. Фондым кум тӱжем у книга дене пойдареныт.