15:48, 15-09-2022Марий Эл гыч тунемше-влак «Белая трость» фестивальын финалистше-влак лийыныт

Марий Эл гыч тунемше-влак «Белая трость» фестивальын финалистше-влак лийыныт. Ойырымо этапыште Россий регионла да СНГ элла гыч 800 утла йоча ушнен. Марий Эл гыч Елизавета Иванова да Виктория Павлова шке усталыкыштым ончыктеныт. Лиза ден Виктория Савинысо школ-интернатыште тунемыт. Ӱдыр-влак ойырымо этапым эртеныт, жюри нунын усталыкыштым кӱкшын аклен. Ынде нуно финалышке каят. Тений тудо 13-шо гана эртаралтеш. Фестивальын организаторжо – Диана Гурцкая дене чумырымо поро кумыл фонд.