ФСБ-н Марий Элысе виктемын демонстрационный залын коллекцийжым Феликс Дзержинскийлан пӧлеклалтше книга пойдарен. Тудо – Российыште чрезвычайный комиссийым ыштен. Шуэн вашлиялтше, 1927 ийыште лукмо, савыктышым Сергей Чавайн лӱмеш книгагудышто муыныт. ВЧК вуйлатышын биографийжым, тудым колымекыже, возеныт да савыктеныт. Тудын лаштыклаштыже кугыжаныш корныжым да тудын нерген шарнымаш-влакым возымо. Феликс Дзерджинский нерген книгам лӱдыкшыдымылык шотышто федеральный службылан Республикысе тӱвыра министр Константин Иванов кучыктен. Ешарен кодаш лиеш, ФСБ-н Марий Элысе виктемын историко-демонстрационный залыштыже тӱрлӧ книга, сар-курал, лӱдыкшыдымылык службын пашаеҥыштлан пӧлеклалтше материал-влак улыт. 
Комментариев: 0