18:36, 30-07-202018 еҥын коронавирус пенгыдемдалтын

30 июль, эрлан, стопкоронавирус.рф сайтын увертарымыж почеш, Марий Элыште эше 18 еҥын коронавирус пенгыдемдалтын. Эпидемий тӱҥалме деч вара  мемнан кундемыште коронавирус инфекций дене чылаже 3752 еҥ черланен, 3199 – тӧрланен да 33 еҥ ӱмыржӧ дене чеверласен. Республик мучко инфекций пӧлкалаште 363   черлыеҥ эмлалтеш. Нунын кокла гыч 353 – пневмоний деч, 6 шодын искусственный вентиляцийыштыже улыт, 136 еҥлан кислород аппаратын полышыжо кӱлеш.