15:14, 16-01-2023«Лӱдыкшыдымӧ да сай качестван автомашина корно» нацпроект почеш тений кундемна мучко икмыняр вере корным шотыш кондат

«Лӱдыкшыдымӧ да сай качестван автомашина корно» нацпроект почеш тений кундемна мучко икмыняр вере корным шотыш кондат. Чылаже регионысо 221 километр корным да «Йошкар-Ола» оласе агломерацийыш пурышо 20 километр корным тӧрлышаш улыт.  Шернур – У Торъял корно йӧршеш пытен. Проект почеш тудым тӧрлышаш улыт. Тыгак Йошкар-Ола – Уржум корным тӱрыснек олмыкташ палемдыме. Кугу Пумарий гыч Косолоп села марте шуйнышо корным тӧрлаш тӱҥалыт. Тылеч посна планыш Суслоҥгер – Мочалище – Филлипсола корнын петырыме кумдыкшо логалын. Тений тушто ик ужашыжым, а тиде 10 километр корным шотыш кондат, кодшыжо вес ийыш кусаралтеш.