Йошкар-Олаште кодшо ийын корным да тротуарым, тыгак тӱшка верым тӧрленыт. Тидым рӱдӧ олан администрацийже иктешлен. Кеҥеж пагытыште 15 кудывечышке пурымо корным да тротуарым тӧрленыт. «Оласе йӧнан средам ыштымаш» программе дене 8 тӱшка верым тӱзатеныт. Нунын радамыште Семеновко селаште йолешке-влакын коштмо верышт, Прохоров, Первомайский уремлаште, Россий армий тӱвыра пӧрт воктенсе кумдык, тыгак пий дене кошташ верым ыштеныт. Изи Какшан серыште Вантовый кӱвар тураште спорт площадкым келыштареныт. Тыгак Ленинский проспект гыч Йошкар-Олан 400 ийже лӱмеш парк воктенсе кумдыкым йӧнештареныт.
Комментариев: 0