Специальный военный операцийыште улшо-влаклан чумыр калык рӱж полшаш ушнен. Кажне районышто кугырак ийготан-влакат, самырык-влакат тиде пашам шуктат: кӧ гуманитар полышым чумыра, кӧ кидпаша дене носилкам, вургемым урга. Марий Турек районысо социальный обслуживаний рӱдерын комплексный отделенийыштыже у ий вашеш кова-влак телевизор дене вес регионлаште носким пидме нерген уверым ужыныт. Шкештат тиде поро пашашке ушненыт. Марий Турек районысо ветеран пӧртыштӧ 31 еҥ ила. Кова-влак пырля погынен, мурым шуйдарен, теле кастене кидпашам ыштат. Специальный военный операцийыште улшо-влаклан шокшо, ойыртемалтше носким пидыт.
Комментариев: 0