Республикыште «Чудеса земли марийской» тӱвыра-турист форум шке пашажым мучашлен. Тушто республикын турист-влаклан мотор да сӧрал улмыжо шотышто мутланеныт. Форумышко Россий Туроператор-влак Ассоциацийын исполнительный директоржо Майя Ломидзе да «ТТ-Трэвел» ушемын вуйлатышын алмаштышыже Александр Сирченко толыныт. Форумышто республикысе Правительстве турист оператор дене келшымашым ыштен. Тудын дене республикыште у турист маршрутым ыштат, турист выставке-влакым чумырат, тушко Марий Эл гыч специалист-влак ушнышаш улыт. Форумышко чумыргышо-влак Оршанка кундем да Козьмодемьянск олашке миеныт. «Чудеса земли марийской» форумышто «Туризм индустрийын эн сай профессионал пашаеҥже» конкурсын регионысо этапыште сеҥыше-влакым саламленыт. Тиде лӱмым Йошкар-Олаште турист-информаций рӱдерым вуйлатыше Иванова Мария, тыгак Шереметев замокын экскурсоводшо Евгений Шалахов суленыт.
Комментариев: 0