Туныктышо-влак шукемшаш улыт. Пытартыш жапыште Марий Элысе туныктыш организацийлаште чӱдылык улмым шижын, кундемыштына республике да федерал кӱкшытан проект-влакым шыҥдарат. Поснак «Земский туныктышо» программым палемдыман. Тений, тудын дене келшышын, 15 специалист пашаш толшаш — палдарат Общественный палатыште. Тыгак самырык специалист-влакым пашаш толаш кумылаҥдыме шотышто Республикысе Тӱвыра министерствыштат паша каен шога. Лектышыжат уло: пытартыш 10 ий жапыште культур сферыште самырык специалист-влак 15 процентлан ешаралтыныт. Мут толмашеш, тачысе кечылан кундемна мучко 200 педагог ок сите. 
Комментариев: 0