Козьмодемьянсклан ‒ 440 ий. Пайрем мероприятий Юл серысе олаште кумдан эртаралтын. Козьмодемьянск шке историйже дене чаплана, да унам вашлиеш. Тудо эшеат моторрак лийже манын, ятыр паша ышталтеш. Тений причал пырдыжым ыштат, тудым ыштымеке, ныл палубан корабль-влак тышке толын кертыт. Тидыже туризмлан вияҥаш сай йӧн. Пайрем икмыняр кече шуйнен. Шуматкечын олаште Юрий Зайцев лийын. Тудо олан мэрже Михаил Козловлан корно машинам да тул оборудованийым налаш 10 миллион теҥгелан сертификатым кучыктен. Олан 440 ийжылан книгам луктыныт. Юбилей лӱмеш олаште кумда пайрем программе лийын: колызо-влакын таҥасымашышт, предприятий да организаций-влакын парадышт, концерт, выставке, ярминга. «Паллада» парус клуб показательный выступленийым ончыктен. 
Комментариев: 0