Эрик Сапаев лӱмеш опер да балет театр шке 53-шо тургымжым почын. Тиде кечылаште олаштына Галина Уланова лӱмеш фестиваль тӱҥалын. Тений «Бахчисарайский фонтан» балетын премьерыжым ончышо-влаклан темленыт. Хореографийын да либреттон авторжо, постановщик Константин Иванов. Тудак спектакльыште тӱҥ партийым-Гирей ханым - куштен. Тудым сценыште калык шукертак ужын огыл, садланак Константин Иванов ончычсо семынак калыкын чонжым савырен. Икманаш, тургым моткоч чот кугу паша дене тӱҥалын. Галина Уланова лӱмеш фестиваль кайыме жапыште опер да балет театр «Лебединое озеро», «Спящая красавица», «Жизельым» ончыкта, 19 сентябрьыште кумылан-влак «Бахчисарайский фонтан» балетым эше ик гана ончен кертыт.
Комментариев: 0