15:57, 2-09-2024Юрий Зайцев кок районын лӱмгечыжлан пӧлеклалтше мероприятийыште лийын.

Волжский районын 85 ийжылан пӧлеклалтше пайрем эртен. Тушто шуко ий пырля илыше еш-влаклан «За любовь и верность» медальым кучыктеныт. Россий Президент Владимир Путинын Указше дене 2024 ий ‒ Ешын идалыкше.

«Шуко жап пырля илыше еш-влакым суаплаш ‒ кугу чап», ‒ палемден регион вуйлатыше. Юрий Зайцев Волжский районышто Заводской уремыште лийын. Тиде корно Приволжский поселкысо учреждений-влак деке миен шуаш полша. Тудым «Птицефабрика Акашевская» ООО-н тӱҥалтышыже дене ышташ тӱҥалыныт. Реконструкцийлан 39 миллион теҥге каен, пашам сентябрьыште мучашлат.

Кугарнянак Юрий Зайцев Звенигово кундемыште илыше-влакым районын 100 ияш лӱмгечыже дене саламлен. Тидын годым Звенигово-Шелаҥгер-Морко корным аклен. Тидын дене пырля олаште эҥер серым тӱзатеныт, Сеҥымашын 60 ийже лӱмеш паркым уэмденыт. Пайрем кечын мировой судья-влакын у зданийыштым почыныт. Тудо ятыр жап аварийный лийын, нормативлан келшен толын огыл.
 Юрий Зайцев палемден, район-влак вияҥыт, тидым еҥ-влакын темлымашышт да национальный проект-влакым илышышке шыҥдарымылан кӧра ышташ йӧн лектын.