В этом году 20 миллионов рублей выделят на благоустройство туристического центра Йошкар-Олы
Волжский районышто Памар тӱвыра пӧртым капитально тӧрленыт
Тушко Марий Элын вуйлатышыже Юрий Зайцев миен. Виктер вуйлатышын икымше алмаштышыже – тӱвыра, печать да калык-влакын пашашт шотышто министр Константин Иванов ыштыме паша нерген ойлен.
Зданийыште леведышым уэмденыт, пырдыжым штукатуритленыт, да чиялтеныт. Пашалан 7 миллион утла теҥге ойыралтын. Тӱвыра пӧртыштӧ 300 вер, тыгак клуб занятийым эртараш пӧлемым тӧрленыт, куштышо-влаклан класс, спортзал да костюмым аралаш вер уэмыныт.
2019 ий гыч «Культура» нацпроект дене Марий Элыште 15 тӱвыра пӧртым тӧрлымӧ. Тений идалык мучаш марте эше 4 тӱвыра пӧртым ыштен шуктат.
