Марий Эл виктер вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов сымыктыш да художественный школлаште тыршыше педагог-влакын августысо конференцийыштышт тыгай темлымаш дене лектын.
Тачысе кечын республикысе муниципал тӱвыра тӧнеж да йоча сымыктыш школ, кугыжаныш театрлашке 500 утла специалист кӱлеш. Ведомствым вуйлатыше самырык специалист-влакым ушымо нерген ойлен, карьере рӱдер тӱвыра учрежденийым пытарыше да пашам темлыше-влак дене вашкылым ышташ полшышаш. Тидын дене пырля И.Палантай лӱмеш тӱвыра да сымыктыш колледж уста йоча-влакым тунемме верышке пураш кумылаҥдыме сомылым шуктышаш, библиотеке-влакланат кадрым ситарыме нерген ойленыт.
Тыгак «Кадры» нацпроект да «Земский работник культуры» федерал программе шотыштат пашам шукташ кӱлмӧ нерген ешареныт.
Комментариев: 0