Сезон нового асфальта: интервью с руководителем Минтранса Марий Эл Александром Герасименко
Морко район Арын селаште марий калык гыч лекше просветитель Гавриил Яковлевич Яковлевлан чапкӱм почыныт
Тиде шонымаш кок ий ончыч Моркышто миссионер съездым эртарыме годым шочын. Кодшо ийын храм ончылно верым тӱзатеныт, а тений той гыч памятникым левыктен вераҥденыт. Тудо 400 килограмм нелытан, кӱкшытшӧ кок метрат пеле.
Памятникым скульптор Россий сӱретче ушемын еҥже, Илья Глазунов лӱмеш академийын доцентше Илья Дюков ыштен. Постаментыште тыге возымо: «Мый марий йочам пагаленам, чот йӧратенам, нуным туныкташ уло ӱмырем пуэнам».
